Útköll

F2 rauður: Slóðaleit á höfuðborgarsvæðinu

Sveitin var boðuð til leitar að manni á höfuðborgarsvæðinu. Maðurinn var á bíl og voru því allir slóðar í nágrenni höfuðborgarsvæðisins leitaðir. Hann fannst eftir um sex klukkutíma leit.

F2 rauður: Leit að konu á Fjallabaki

Leit að konu sem hugðist fara á gönguskíðum umhverfis Mýrdalsjökul og talið var að væri norðan jökulsins. Snjóbíll sveitarinnar fór austur rétt eftir hádegi en ferðin sóttist hægt vegna aftakaveðurs sem var á svæðinu. Þeir fundu konuna heila á húfi morguninn eftir.

F1 rauður: Vélsleðaslys í Skálafelli

Sleðar, snjóbíll, jeppar og undanfarar voru boðaðir vegna vélsleðaslys í Skálafelli. Tveir menn á tveimur vélsleðum höfðu farið fram af hengju og óttast að þeir væru slasaðir. Snjóblinda og skafrenningur gerði hópum erfitt fyrir að athafna sig. Mennirnir voru fluttir á snjótroðara niður í sjúkrabíl sem flutti þá á slysadeild.

F3 grænn: Bílar fastir við Hjallaflatir

Óskað var eftir aðstoð vegna fólks á tveimur föstum bílum við Hjallaflatir í Heiðmörk. Hvorki lögregla né dráttarbíll komust á staðinn vegna ófærðar. Það náðist að losa annan bílinn en fólkið úr hinum bílnum var flutt til byggða.

F2 gulur: Innanbæjarleit að ungri stúlku

Um kvöldmatarleitið var sveitin boðuð til leitar að ungri stúlku í Reykjavík sem ekkert hafði spurst til síðan rétt eftir hádegi. Stúlkan fannst heil á húfi um klukkustund eftir boðun.

F3 grænn: Óveður á höfuðborgarsvæðinu

Sveitin kölluð út vegna óveðursaðstoðar í austur- og vesturbæ Reykjavíkur. Einn hópur var sendur til aðstoðar og sinnti tveimur verkefnum, m.a. að binda niður fellihýsi sem var laust og saga niður tré sem hafði brotnað í óveðri.

F2 rauður: Slys við Lambafell

Maður fótbrotnaði við Lambafell suðaustan við Bláfjöll. Undanfarar af svæði 1 og 3 voru á samæfingu með þyrlu Landhelgisgæslunnar við Sandskeið og fóru á vettvang. Þyrlan kom fyrst að og flutti hinn slasaði á slysadeild.

F1 rauður: Bíll í Reykjavíkurhöfn

Óskað var eftir aðstoðar sveitarinnar vegna bíls sem hafði farið í sjóinn við Miðbakka í Reykjavíkurhöfn. Stefnir, bátur sveitarinnar var sendur af stað til leitar. Auk þess fór bíll sveitarinnar, Kópur 5, til þess að lýsa upp leitarsvæðið.

F1 rauður: Slys í Esju

Sveitin var kölluð út vegna slyss í Esju. Maður hafði slasast við Stein og gat ekki gengið niður. Hópur undanfara lagði af stað frá HSSK. Manninum var bjargað um borð í þyrlu Landhelgisgæslunnar.

F3 grænn: Maður í sjálfheldu í Blikdal

Sveitinni barst beiðni um aðstoð vegna manns sem var í sjálfheldu í Blikdal. Snjóbíll sveitarinnar var sendur af stað ásamt einum gönguhópi og sleðaflokki sveitarinnar. Gönguhópur frá HSSK var kominn nálægt hinum týnda þegar honum var bjargað af annarri björgunarsveit.

Hjálparsveit skáta í Kópavogi