Flugeldasala áramótin 2021-2022

26. desember 2021

Flugeldasalan áramótin 2021-2022 hefst 28. desember og stendur fram til klukkan 16:00 á Gamlársdag. Flugeldasalan er stærsta fjáröflunin okkar og stendur undir megninu af kostnaði við rekstur og uppbyggingu hjálparsveitarinnar ár hvert.

Í ár erum við eins og í fyrra með ýmsar ráðstafanir á sölustöðum okkar til að tryggja smitvarnir. Það er yfirleitt lang mest að gera hjá okkur að kvöldi 30. desember og svo á gamlársdag, þannig við hvetjum alla til að vera snemma á ferðinni, nýta langan opnunartíma og forðast öngþveitið sem getur skapast þegar allir koma á síðustu stundu.

Netsala

Í ár er hægt að panta og borga flugelda í gegnum netið og sækja á sölustað okkar í Björgunarmiðstöðinni Bakkabraut 4, við Kópavogshöfn. Heimsendingar eru ekki í boði. Netsalan lokar að kvöldi 30. desember.

Vefverslunin er opin fram að kvöldi 30. desember. Kíktu á úrvalið inni á flugeldar.hssk.is

Sölustaðir

Fyrir þá sem vilja mæta og skoða þá erum við á 4 stöðum í Kópavogi núna um áramótin.

Sjá kort með sölustöðum

• Bakkabraut 4: Björgunarmiðstöðin við Kópavogshöfn (Stór sölustaður)
• Dalveg 6-8: Í húsnæði Kraftvéla (Stór sölustaður)
• Versölum 5: Við Salalaug
• Vallakór 4: Við Krónuna í Kórahverfi

Opnunartímar

• Þriðjudaginn 28. desember 2021: Opið frá kl. 10 - 22
• Miðvikudaginn 29. desember 2021: Opið frá kl. 10 - 22
• Fimmtudaginn 30. desember 2021: Opið frá kl. 10 - 22
• Gamlársdag 31. desember 2021: Opið frá kl. 10 - 16

Fylgist með okkur á facebook síðu sveitarinnar

Brenna og flugeldasýning

Áramótabrennunni í ár hefur verið aflýst vegna stöðunnar á Covid 19 faraldrinum en við verðum með flugeldasýningu eins og í fyrra. Til að koma í veg fyrir hópamyndanir verður nákvæm staðsetninging ekki gefin upp, en skotið verður upp miðsvæðis í Kópavogi. Gott útsýni er m.a. frá efra bílastæði Smáralindar og frá Lindum og Sölum.

Sýning hefst kl. 21:00 á gamlárskvöld.