Fréttir

Leit að manni í Hafnarfirði

Sveitin var í nótt kölluð út til leitar að manni í Hafnarfirði. Leitin stóð til kl. 17:50 þegar maðurinn fannst heill á húfi. Samtals tóku tæplega 50 félagar úr HSSK þátt í aðgerðinni við leit og aðgerðastjórnun. Þar af voru 10 manns að taka þátt í sínu fyrsta útkalli sem var að vonum spennandi fyrir þessa ungu upprennandi björgunarmenn okkar.

112 dagurinn

Næstkomandi þriðjudag 11.2 verður hinn árlegi 112 dagur. Að deginum standa starfsmenn og sjálfboðaliðar í öryggis- og neyðarþjónustu á öllu landinu. Við í Hjálparsveit skáta í Kópavogi ætlum að sjálfsögðu að taka þátt í deginum og hafa opið hús kl.20:00-22:00. Á þriðjudögum eru vanalega vinnukvöld hjá sveitinni svo það er kjörið tækifæri fyrir áhugasama að koma og kynnast starfinu.

Peningagjöf frá Kiwanisklúbbnum Eldey

Á dögunum fengum við í Hjálparsveit skáta í Kópavogi 200 þúsund króna peningagjöf frá Kiwanisklúbbnum Eldey. Styrkurinn kemur sér sérstaklega vel núna þegar við erum að leggja lokahönd á framkvæmdirnar við stækkun Björgunarmiðstöðvarinnar sem hafa staðið yfir undanfarin tvö ár. Við þökkum Kiwanisklúbbnum Eldey kærlega fyrir okkur!

Undirbúningur fyrir flugeldasölu

Nú vinna félagar hörðum höndum að því að koma upp flugeldasölustöðum. Í ár verðum við með 6 búðir sem þarf að koma upp á skömmum tíma. Opnað verður þann 28. Desember og verður opið fram á gamlársdag. Hægt er að sjá staðsetningar á flugeldasölustöðum á flugeldasíðunni

Æfing Alþjóðasveitar Landsbjargar

Rústaflokkur sveitarinnar tók þátt í æfingu Íslensku alþjóðabjörgunarsveitarinnar sem fram fór á Suðurnesjum síðastliðinn laugardag. Æfð voru viðbrögð við jarðskjálfta sem átti að hafa riðið yfir Búkarest í Rúmeníu. Fulltrúar frá Sameinuðu þjóðunum fylgdust með æfingunni sem þótti ganga vel.

Ný björgunarmiðstöð í Kópavogi formlega tekin í notkun

Hjálparsveit skáta í Kópavogi tók formlega í notkun fyrsta áfanga í nýrri og glæsilegri björgunarmiðstöð við Kópavogshöfn þann 4.nóvember. Um 150 gestir mættu í opnunarhófið sem bar upp á 44 ára afmæli sveitarinnar. Félagar í hjálparsveitinni hafa síðustu tvö árin unnið að því í sjálfboðavinnu að endurgera húsnæði að Bakkabraut 4 sem keypt var haustið 2010. Björgunarmiðstöðin sem nú hefur ...

Rötunarnámskeið um helgina

Nú um helgina luku nýliðar rötunarnámskeiði en það er búið að standa yfir í um þrjár vikur. Fyrsti hluti námskeiðsins var bóklegur hluti en hann tóku nýliðar í fjarnámi. Þá fóru þeir yfir glærur og unnu verkefni í gegnum vef Björgunarskóla Landsbjargar. Annar hlutinn námskeiðsins var kortavinna og kennsla á áttavita en sá hluti fór fram á vinnukvöldum í Björgunarmiðstöðinni. ...

Landsæfing á laugardaginn

Næstkomandi laugardag, 12. október, verður haldin landsæfing björgunarsveita í Borgarfirði. Landsæfingar eru haldnar annað hvert ár og í þetta sinn er búist við að 200-300 björgunarsveitarmenn taki þátt. Æfing sem þessi er gríðarlega umfangsmikil og byggir á fjölbreyttum verkefnum sem leyst verða aftur og aftur af mismunandi hópum. Nú þegar hefur Hjálparsveit skáta í Kópavogi skráð fjóra hópa á æfinguna; ...

Undanfarar æfa

Laugardaginn 28. september héldu nokkrir félagar í undanfaraflokk sveitarinnar til æfinga í Hveragerði.Markmið æfingarinnar var að undanfarar í þjálfun (svokallaðar undanrennur!) æfðu sig í framkvæmd fjallabjörgunar undir handleiðslu reyndari manna. Farið var yfir grunn kerfi fjallabjörgunar, en björgunarsveitir höfuðborgarsvæðisins vinna allar eftir sömu kerfum sem auðveldar samvinnu í aðgerðum til muna. Nauðsynlegt er að æfa þessi atriði vel svo öll ...

Haustið fer af stað hjá Undanförum

Í gærkvöldi var fyrsta samæfing undanfara sunnan heiða þennan veturinn. Sveitirnar skipta á milli sín einni æfingu á mánuði allan veturinn og er þema þeirra mismunandi. Septemberæfingin var haldin af Björgunarsveit Hafnarfjarðar en sú æfing er alla jafna létt upprifjunaræfing til að koma mönnum (og konum!) í gírinn fyrir veturinn. Spora menn buðu til sín í nýja húsnæðið þeirra sem ...

Hjálparsveit skáta í Kópavogi