Björgunarsveitir af höfuðborgarsvæðinu sinntu 36 hjálparbeiðnum vegna óveðurs sem gekk yfir, stór hluti þessara verkefna voru í Kópavogi.
Sveitin var boðuð út að kvöldi jóladags til leitar að manni í Reykjanesbæ sem óttast var um. Tveir hópar frá sveitinni fóru strax til leitar. Maðurinn fannst heill á húfi um klukkustund eftir að sveitin var boðuð. 10 manns frá sveitinni tóku þátt í útkallinu.
Tilkynning barst um manneskju sem talið var að hefði horfið í sjóinn við Kirkjusand í Reykjavík. Stefnir fór á staðinn til leitar, en fljótlega kom í ljós að manneskjan sem talið var að væri í sjónum var óhlut á landi og bjargir því afboðaðar.
Sveitin var kölluð út um miðjan dag vegna óveðurs á Höfuðborgarsvæðinu. Mörg útköll komu í Kópavogi vegna bæði lausra og fastra hluta sem voru að fjúka og valda hættu. Þakplötur voru að losna af húsþökum, stillansar og byggingarefni að fjúka í kringum nýbyggingar, hurðir og gluggar fuku upp og skemmdust …
Sveitin var boðuð til leitar að manni innanbæjar í Grafarvogi í Reykjavík. Boðað var til leitar um miðnætti og stóð hún yfir í hátt í þrjá tíma þangað til sá týndi fannst heill á húfi.
Bátahópar voru boðaðir á hæsta forgangi vegna öskra og hávaða sem kom frá bát úti fyrir Sæbraut á móts við Borgartún í Reykjavík. Vinnukvöld var í gangi á sama tíma hjá sveitinni og tók því aðeins örfáar mínútur að manna bát og fara úr höfn. Á vettvangi kom í ljós …
Sveitin var kölluð út vegna leka í bát á Faxaflóa. Stefnir fór úr höfn stuttu eftir boðun og var að koma að bátnum þegar útkallið var afturkallað þar sem ekki var talin þörf á frekari aðstoð.